07/30 12:16

بعد مقالبه في البر والبحر والجو يظن البعض ان الممثل الشاب رامز جلال نفد رصيده من الشر، ولكنه اثبت انه “يا ما في الجراب يا حاوي” بعدما لجا لمحبيه وجمهوره طالبا منهم افكارا تصلح لبرنامج مقالب رمضان 2016، وكان جمهوره عند الموعد وقدم افكارا لا تقل رعبا وخطوره عن برامجه السابقه.

كانت احدي الافكار المجنونه والخطيره التي قدمت لرامز جلال هي اقتراح احمد خضير “يعمل مقلب في الفنانين يتصل بالفنان اللي يتعمل فيه المقلب ويقوله الحقني تعالي انا في المكان الفلاني وانا بعمل مقلب في فنان صديقنا مات وعاوز ادفنه من غير ما الحكومه تعرف والناس ويعملوا مقلب بقي والحكومه تيجي ولما الحكومه تيجي رامز يقول للظابط ان الفنان التاني هو اللي موته وهو مشترك معا في المقلب وفي اخر الحلقه الراجل الميت يطلع من الكفن اللي ملفوف بيه ويرقص علي اغنيه شعبي!”. 

وقدم محمد صلاح فكره مرعبه جدا وقال: “انا من رايي يدعي الفنانين في قصر او بيت مهجور في بلد خارج مصر ويقولهم هنعمل لقاء عن الحاجات الاثريه الي فيه وفجاه النور يروح ويجي والبيبان تترزع جامد وصوت تخبيط الارض والسقف وصويت وحاجات بتقع ع الارض وهو كانه عفريت لبسه يتشنج ع الارض ويقوم يعمل كام حركه كده يخوف الناس وياريت لو يكون معاهم واحد يعمل نفسه بيفهم في الجن وكدا ويقول تعاويذ كذب ونار تولع وتطفي في كل مكان وصوت ناس بتتحرق اشباح يعني وكلاب وقطط زي ما يكونوا بيتدبحوا واصوات ناس بيتعذبوا من تحت الارض وشويه رعب كده”.

السلطانه ميهرونيسا اقترحت فكره هزليه وقالت: “هيطلع الفضاء هو والنجوم وبعده محرك صاروخ حيقف والنفس يبدا يروح وبعده ينزل علي الارض وساعتها يقولهم مقلب بس المره دي مش هيلحق يكمل الكلام هيكون الضيف مات”.

يوسف تامر تعامل مع الامر بجديه واقترح: “اسم البرنامج رامز عفريت الكهف مقلب مخيف رامز هيعمل نفس عمليات التجميل بس وحوش والبرنامج يكون في بلد فيها كهوف والفنانين يالخدوا شوه زي ما كانوا بيتصوروا في رامز واكل الجو الناس تقوله ان في الكهف دا كنوز ترجع من العصر القديم ويقولوا ان الحكومه عامله مكافئه للفنان اللي هيعمل اعلان عن هذا الكهف واول ما الفنان يخش الكهف الناس اللي خاشين معاه يطلعوا واول ما يطلعوا تنزلوا باب خشب والنور يقيد ويطفي وتعملوا اصوات صريخ ووحوش ويطلع صوت فرعوني صاخب مع اشكال7D  مخيفه من الممياوات فجاه النور يفتح خالص والفنان يلاقي العفريت اللي هو رامز وراه وساعتها رامز يصرخ ويقلع القناع لكن لازم الوش يكون مرعب اخر حاجه”.