قام مجموعة من المغرديين المصريين بإنشاء هاشتاغ ساخر بعنوان لو حملات الإخوان المسلمين اجنان اتجنن وذلك على طريقة اعلان كوكا كولا لو ده كان اجنان اتجنن وذلك رداً على الحملات التي قام بها الاخوان مؤخراً كنوع من أنواع الاعتراض على سبيل المثال لا الحصر حملة "عطل عربيتك ع الكوبري":

- افتحوا البلاعات وانزلوا اعملوا اعتصام في المجاري لغاية مواسير الصرف الصحي كلها تتسد والناس متعرفش تدخل الحمامات

-  اشترى كل الحشيش اللى فى السوق عشان الإنقلابيين ميلاقوش حشيش

- متدخلش ابنك اي مدرسة حكومي عشان ده اعتراف بالانقلاب و متدخلهوش اى مدرسة لغات عشان موقف الغرب المغزى من الشرعية

- حمل افلام كتير اوى واعمل ازمة ف الداونلود ف مصر كلها خلى الانقلابيين ميشوفوش افلام

- هلل و طبل للسيسي بمناسبة وبدون مناسبة فالناس تكره السيسي عشان الاخوان بيأيدوه :)

-  شغل اغنية تسلم الايادي طول النهار تحت بيت مصطفي كامل خليه يحس بالمأساة اللي عملها :)

- حمله للاخوان : ولعوا في بيوتكم واشغلوا المطافي علشان الانقلابين لما بيوتهم تتحرق مايلاقوش مطافي

- عطل طريق مصر اسكندرية الصحراوى اقف بعربيتك قدام الترلات ومتتحركش من قدامها هتيجى تعدى عليك ولا يهمك خليك مكانك

- انزل اشتري كل جرايد الانقلابيين اللي عند بتاع الجرايد وسيب الحريه والعداله علشان الناس تشتريها وتعرف الحقيقة

- طلق مراتك .. و شرد عيالك .. و املأ شوارع مصر بالاطفال المشردين .. لإفشال الانقلاب

- حملة يروحوا كل المصايف والديسكوهات والسينمات ويعملوا زحمة فشيخة والانقلابيين ميلاقوش مكان يتفسحوا فيه فى العيد

-  فكرت كتير علشان الاقى حاجة مجنونة لقيتهم عملوا كل الجنان اللى خطر على بالى ،دول مستوى يصعب على امثالى الوصول له

- هدد بأن لو مرسى مارجعش هيحصل عزو فضائى لكوكب الارض ..يلا وهات عاليها واطيها

- قاطع الإسعاف,المطافي,النجدة.أقولك روح الصحراء الغربية و أعمل خيمة بس ولا تشرب و لا تأكل من حاجة الإنقلابيين

- ما تخليش والدك أو والدتك يروحوا يقبضوا المعاش خد بالك مكاتب البريد ووزارة التأمينات تبع حكومة الإنقلابيين

-  أقعد في بيتك و ريحنا و ريح نفسك و أهو منو إعتصام و منو إعتكاف و أسمع أغنية تسلم الآيادي يمكن العفريت يخرج

-  اشتري سجاير كتير انتا واصحابك واتعلموا التدخين منها هتزودوا السعر ومنها لما تعيوا تزحموا المستشفيات

- ارموا نفسكوا في النيل وسدوا علينا الميه وقولوا اثيوبيا شغلت السد وقفلت الحنفيه

- لو حرامي جالك البيت يسرقك  أووووعه تتصل بالبوليس دول تبع الإنقلابيين قاطع الشرطة و حكومة الإنقلابيين

- ما تقبضش مرتبك,ما تفوولش عربيتك,ما تتعالجش في مستشفي,ما توديش أبنك مدرسة كل دول تبع الإنقلابيين خد بالك

لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا